Januaarip aallaqqaataani 2017-imi atuisunut akit
Atuisunut akit ukiup affaa kingullermi 2016 juulimiit 2017 januaarimut 0,1 pct.-imik qaffapput, qaffariaat siorna taamaasineranut annikinneruvoq, 0,7 pct.-imik qaffariarmat. Ukiup affakkaarlugit januaari 2013-imiit januaari 2017-imut atuisunut akit nikittarneri titartagaq 1-imi takutinneqarput.
Titartagaq 1. Jan. 2013-imiit jan. 2017-imut atuisunut akit, ukiup affakkaarlugit nikittarneri pct.-inngorlugit
Najoqqutaq: http://bank.stat.gl/PRNPRISV Indeks (2008=100)
Atuisunut akit ukiukkuutaartumik ineriartornerat
Januaari 2016-imiit januaarimut 2017-imut atuisunut akit 0,3 pct.-imik qaffapput. Titartagaq 2-mi pct.-inngorlugit qaffattarneri ukiukkaartumik takutinneqarput
Titartagaq 2. Atuisunut akit ukiukkaartumik pct.-inngorlugit qaffanneri
Najoqqutaq: http://bank.stat.gl/PRNPRISV Indeks (2008=100)
Nioqqutissat immikkuutitaartut ataasiakkaat ukiumut ineriartornerat
Atuisunut akitigut ineriartorneq Inuussutissat kiffartuussinerillu ataatsimut nioqqutissat immikkuutitaartut ataanni ineriartornerannit pipput. Kisianni nioqqutissat immikkuutitaartut ataasiakkaat ineriartorneri assigiinngeqaat. Ukiumoortumik ineriartorneq januaari 2016-imiit januaari 2017-imut nioqqutissat immikkuutitaartut ataasiakkaat titartakkami 3-mi takutinneqarput. Nioqqutissat immikkuutitaartuni qaffariarnerpaasimasut tassaapput inuussutissat aamma angallassinerit. Taakku saniatigut nioqqutissat immikkuutitaartunit arlaqartut akii appariarsimapput, taakkua ilagaat inigisaq, inigisami atortut pissarsiat aamma oqarasuaat nassiussinerit (attaveqaqatigiinneq).
Titartagaq 3. Nioqqutissat immikkuutitaartut januaari 2016-imiit januaari 2017-imut pct.-iisa nikerarnerat
Najoqqutaq: http://bank.stat.gl/PRDPRISV